लोणी काळभोर ग्रामपंचायतीच्या सरपंचपदी नागेश अकुंश काळभोर यांची बिनविरोध निवड
तत्कालीन सरपंच राहुल काळभोर यांनी कृषी उत्पन्न बाजार समितीचे संचालक प्रशांत काळभोर यांना दिलेल्या शब्दाचा मान ठेवून मनाचा मोठेपणा दाखवत राजीनामा
लोणी काळभोर- पुणे सोलापूर महामार्गावरील पुणे शहरालगत मोठी लोकसंख्या असलेल्या लोणी काळभोर ग्रामपंचायतीच्या सरपंचपदी नागेश अकुंश काळभोर यांची बिनविरोध निवड झाली आहे अशी माहीती निवडणूक निर्णय अधिकारी संदीप झिंगाडे यांच्या अध्यक्षतेखाली मंडलाधिकारी लक्ष्मण बांडे व ग्रामविकास अधिकारी सतीश गवारी यांनी निवडणुकीचे कामकाज पहिले.
लोणी काळभोरचे तत्कालीन सरपंच राहुल काळभोर यांनी कृषी उत्पन्न बाजार समितीचे संचालक प्रशांत काळभोर यांना दिलेल्या शब्दाचा मान ठेवून आपल्या सहकारी मित्र जे विरोधी गटाचे सरपंच पदाचे दावेदार असताना काही राजकीय घडामोडीमुळे वंचित राहिले होते. पदाचा लोभ न ठेवता फक्त आपल्या नेत्याच्या शब्दाखातर मनाचा मोठेपणा दाखवत राजीनामा दिल्याने लोणी काळभोर ग्रामपंचायतीच्या सरपंच पदी नागेश काळभोर यांची बिनविरोध निवड करून त्यांना लोणी काळभोर गावातील नागरिकांची सेवा करण्याची संधी उपलब्ध करून दिली.
पॅनेल प्रमुखांनी ठरविलेल्या कार्यकाळात राजिनामा दिल्याने रिक्त झालेल्या सरपंच पदासाठी आज लोणी काळभोर ग्रामपंचायतीच्या सभागृहात निवडणूक प्रक्रिया पार पडली, सरपंच पदासाठी नागेश अंकुश काळभोर यांचा एकमेव अर्ज आल्याने त्यांची सरपंच म्हणून बिनविरोध निवडून आली.यावेळी पॅनेल प्रमुख प्रशांत काळभोर, राहुल दत्तात्रय काळभोर,बापू बोरकर ,बाळासाहेब काळभोर ,संजय गायकवाड तसेच महाराष्ट्र केसरी राहुल काळभोर,आण्णासाहेब काळभोर,गणेश कांबळे,सुनिल गायकवाड व ग्रामविकास अधिकारी आदी मान्यवर उपस्थित होते.
